పేద విద్యార్థులకు బ్యాగులు పంపిణీ
Published: Thursday May 19, 2022
వైరా, మే 18 (ప్రజాపాలన న్యూస్): నిరుపేద విద్యార్థులకు ఆత్మ బంధు గ్రామీణ పేదల సంక్షేమ సంఘం ఆధ్వర్యంలో రెబ్బవరం ప్రాథమిక ఉన్నత పాఠశాలలో 30 మంది విద్యార్థులకు స్కూల్ బ్యాగ్స్ పంపిణీ చేశారు. ఈ సందర్భంగా ఆ సంఘం నాయకులు పిడతల నాగేశ్వరరావు మాట్లాడుతూ పేద, వృద్ధులు, వితంతువులకు ఆర్థిక చేయూత అందించడమే సంఘం ప్రధాన ఉద్దేశమని పేర్కొన్నారు. అనంతరం ఆ గ్రామ సర్పంచ్ సాధం రామారావు మాట్లాడుతూ స్వచ్ఛంద సంస్థలు ఇలాంటి సేవా కార్యక్రమాలు చేయడం అభినందనీయమన్నారు.
Share this on your social network: