అంతర్జాతీయ ఎయిడ్స్ దినోత్సవ సందర్భంగా మానవహారం.....

Share this on your social network:

Published: Thursday December 02, 2021

ఎర్రుపాలెం డిసెంబర్ 1 ప్రజాపాలన ప్రతినిధి : మండలంలోని బనిగండ్లపాడు గ్రామంలో బుధవారం డిసెంబర్ 1 అంతర్జాతీయ ఎయిడ్స్ దినోత్సవం సందర్భంగా బనిగండ్లపాడు వైద్యసిబ్బంది మరియు గవర్నమెంట్ జూనియర్ కాలేజి విద్యార్థులు, సిబ్బంది ఆధ్వర్యంలో బనిగండ్లపాడు గ్రామంలో ఎయిడ్స్ వ్యాధిపై అవగాహన, ర్యాలీ మానవహారం నిర్వహించడం జరిగింది. ఈ కార్యక్రమంలో వైద్యాధికారి డాక్టర్ రాజు మాట్లాడుతూ ఎయిడ్స్ వ్యాధి పై అందరూ అవగాహన కలిగి ఉండాలని, ఎయిడ్స్ వ్యాధికి నివారణ ఒక్కటే మార్గమని ఈ వ్యాధి ఆసురక్షిత లైంగిక సంబంధాలు, రక్తమార్పిడి ద్వారా వచ్చే అవకాశాలు ఎక్కువగా ఉంటాయని ప్రతి ఒక్కరూ తమ భాగస్వాములతోనే సంబంధాలు కలిగిఉండాలని,లేక పోతే సురక్షిత పద్దతికోసం కండోమ్ తప్పనిసరిగా వాడాలని అప్పుడే ఈ వ్యాధి ఒకరినుంచి మరొకరికి సోకకుండా నిరోధించ వచ్చని వ్యాధి సోకినవారు క్రమం తప్పకుండా మందులు తీసుకుంటూ పౌష్టికాహారం తీసుకుంటే ఎక్కువకాలం జీవించవచ్చని వివరించారు. ఈ కార్యక్రమంలో కళాశాల ప్రిన్సిపాల్ రమణారెడ్డి, రామారావు, సూపర్ వైజర్ కె.వెంకటేశ్వరావు, స్టాఫ్ నర్స్ రోజా, హెల్త్ అసిస్టెంట్ శాయిరెడ్డి, రూరల్ వెల్ఫేర్ సొసైటీ సభ్యులు అనూష, శ్రీనివాసరావు, పుల్లారెడ్డి, కాలేజి విద్యార్థులు, మరియు వైద్యసిబ్బంది పాల్గొన్నారు.

Share this on your social network:

అంతర్జాతీయ ఎయిడ్స్ దినోత్సవ సందర్భంగా మానవహారం.....

Related News