కరోనాను జయించిన మంత్రి కొప్పుల దంపతులు

Share this on your social network:

Published: Saturday May 15, 2021

జగిత్యాల, మే 14 (ప్రజాపాలన ప్రతినిధి) : కరోనా బారిన పడిన సంక్షేమశాఖ మంత్రి కొప్పుల ఈశ్వర్ మరియు వారి సతీమణి స్నేహాలత కరోనాను జయించారు. ఈ నెల 6వ తేదీ మంత్రి సతీమణి స్నేహలతకు పాజిటివ్ నిర్దారణ కాగా 9వ తేదీన జరిపిన కొవిడ్ పరిక్షలో నెగిటివ్ వచ్చిందని మంత్రి కొప్పుల ఈశ్వర్ సోషల్ మీడియా, ట్విట్టర్ ద్వారా తెలిపారు. సంక్షేమ శాఖ మంత్రి కొప్పుల ఈశ్వర్ హైదరాబాద్ ఓ ప్రైవేట్ ఆసుపత్రిలో చేరారు. 6 రోజుల చికిత్స పొందిన అనంతరం మంత్రి కొప్పుల ఈశ్వర్ దంపతులు శుక్రవారం రోజున డిశ్చార్జ్ కావడం జరిగింది. వైద్యుల సలహా మేరకు మినిస్టర్స్ క్వార్టర్స్ లో తన నివాసంలో హోం ఐసోలేషన్‌లో ఉంటున్నట్లు మంత్రి తెలిపారు. మంత్రికి కరోనా నెగెటివ్ అనే విషయం తెలియగానే ఆయన అభిమానులు, పార్టీ శ్రేణులు ఆనందం వ్యక్తం చేస్తున్నారు. కరోనా మహమ్మారిని జయించడానికి పార్టీ నాయకులు, కార్యకర్తలు, అభిమానులతోనే నాకు ధైర్యం వచ్చిందని మంత్రి అన్నారు.

Share this on your social network:

కరోనాను జయించిన మంత్రి కొప్పుల దంపతులు

Related News