ఘనంగా అంబేద్కర్ జయంతి వేడుకలు

Share this on your social network:

Published: Saturday April 15, 2023

జన్నారం, ఏప్రిల్ 14, ప్రజాపాలన:

మండల కేంద్రంలోని వివిధ ప్రజా సంఘాలు, మండల అంబేద్కర్ సంఘం నాయకులు అంబేద్కర్ 132 జయంతి ఉత్సవాలను శుక్రవారం ఘనంగా నిర్వహించారు. ఈ సందర్భంగా

మండల కేంద్రంలో ర్యాలీ నిర్వహించి, అంబేద్కర్ విగ్రహానికి పూలమాలలు వేశారు. అంబేద్కర్ సేవలను గుర్తుచేసుకున్నారు. అదేవిధంగా మండల ప్రజా పరిషత్ కార్యాలయంలో ఎంపీడీవో అరుణ రాణి, రాంపూర్ గ్రామంలో అంబేద్కర్ యువజన సంఘం, గ్రామ సర్పంచ్ అలుగునూరి సులోచన , తిమ్మాపూర్ గ్రామ సర్పంచ్ జాడీ గంగాధర్ లు బేద్కర్ చిత్రపటానికి పూలమాలలు వేసి ఘన నివాళులు అర్పించారు. రాజ్యంగ పరిషత్తు సభ్యుడిగా- మంత్రివర్గ సభ్యుడిగా, అంబేద్కర్ విశేష శ్రమ వహించి రాజ్యాంగం రచించటం ఆయన శేష జీవితంలో ప్రముఖమైన ఘట్టమని, అంబేద్కర్ ఆశయ సాధనలో ప్రతి ఒక్కరూ కృషి చేయాలని పలువురు వక్తలు కోరారు. ఈ కార్యక్రమంలో అంబేద్కర్ సంఘం నాయకులు బోర్లకుంట ప్రభుదాస్, మామిడిపల్లి ఇందయ్య, దుమల్ల రమేష్, నారపాక రమేష్, దళిత సంఘం అధ్యక్షుడు గడ్డం శ్రీనివాస్, వివిధ సంఘాల నాయకులు పోనకల్ సర్పంచ్ జక్కు భూమేష్, తదితరులు పాల్గొన్నారు.

Share this on your social network:

ఘనంగా అంబేద్కర్ జయంతి వేడుకలు

Related News