అనుష్క శెట్టి (అనుష్క శెట్టి) ప్రధాన పాత్రలో క్రిష్ దర్శకత్వంలో రూపొందించబడిన చిత్రం 'ఘాటి'. యూవీ క్రియేషన్స్ సమర్పణలో ఫస్ట్ ఫ్రేమ్ ఎంటర్టైన్మెంట్ బ్యానర్ పై రాజీవ్ రెడ్డి, సాయిబాబు జాగర్లమూడి నిర్మించారు. తాజాగా ఈ మూవీ నుంచి గ్లింప్స్ విడుదలైంది. (ఘాతీ సంగ్రహావలోకనం)
నేడు (నవంబర్ 7) అనుష్క పుట్టినరోజు సందర్భంగా ఉదయం ఫస్ట్ లుక్ విడుదల చేసిన మేకర్స్.. తాజాగా గ్లింప్స్ విడుదల చేశారు. ఈ గ్లింప్స్ లో అనుష్క వయలెంట్ గా మారింది. అనుష్క కొడవలి పట్టుకొని బస్సు ఎక్కి, ఒక మనిషి గొంతు కోసి, అతని తల పట్టుకొని బస్సు దిగి నడుచుకుంటూ వెళ్లడం గ్లింప్స్ లో చూపించారు. గ్లింప్స్ చూస్తుంటే ఈ సినిమాలో అనుష్క వయలెంట్ కనిపించనుందని అర్థమవుతోంది.
గతంలో అనుష్క-క్రిష్ కాంబినేషన్ లో 'వేదం' సినిమా వచ్చింది. అందులో సరోజ అనే వేశ్య పాత్రలో అనుష్క నటనకు ప్రశంసలు దక్కాయి. ఇప్పుడు 'ఘాటి'తో మరోసారి ప్రశంసలు అందుకునే అవకాశం వచ్చింది.
