- తెలంగాణ ప్రజలు పిలిస్తే క్షణాల్లో వస్తానన్న రాహుల్ గాంధీ… ఇన్నాళ్లు ఎక్కడ దాక్కుకున్నారు.
- గాంధీ భవన్ కు కాదు… ప్రజల దగ్గరకు వెళ్లే దమ్ముందా?
- పులకేసి మాదిరిగా మీ ముఖ్యమంత్రి ప్రజలను హింసిస్తుంటే ఎందుకు మౌనంగా ఉన్నారు?
- పార్టీ ఫిరాయింపులతో రాజ్యాంగ స్ఫూర్తిని కాలరాస్తున్న మీ ముఖ్యమంత్రికి ఎందుకు అండగా ఉన్నారు.
- మీ అనుమతితోనే అదానీతో దోస్తీ, మూసీ ప్రాజెక్ట్ చేస్తున్నారు
- అభివృద్ది పథంలో ఉన్న తెలంగాణను అవినీతి తెలంగాణగా మార్చారు
- రాష్ట్ర ప్రజల కోసం అడుగుతున్న ప్రశ్నలకు సమాధానం చెప్పాలి
- రాహుల్ గాంధీకి బీఆర్ఎస్ వర్కింగ్ ప్రెసిడెంట్ కేటీఆర్ బహిరంగ లేఖ
ముద్ర, తెలంగాణ బ్యూరో :- ఏడాది కాంగ్రెస్ పాలలో పదేళ్ళ విధ్వంసం ఏర్పాటు బీఆర్ఎస్ ప్రెసిడెంట్ కేటీఆర్ ప్రాజెక్ట్. గత పదేళ్ల బీఆర్ఎస్ పాలనలో అన్ని రంగాల్లో రాష్ట్రాన్ని అగ్రస్థానంలో నిలిపితే….కేవలం సంవత్సరం వ్యవధిలోనే రాష్ట్రాన్ని రేవంత్ సర్కార్ భ్రష్టు పట్టించిందని. ఈ నేపథ్యంలో మంగళవారం హైదరాబాద్ నగరానికి వస్తున్న నేపథ్యంలో కాంగ్రెస్ హయాంలో జరిగిన విధ్వంసాన్ని వివరిస్తూ ఏఐసిసి అగ్రనేత రాహుల్ గాంధీకి ఆయన ఒక బహిరంగ లేఖ రాశారు. ఈ లేఖలో కాంగ్రెస్ ప్రభుత్వం అనుసరిస్తున్న ప్రజా వ్యతిరేక విధానాలు, అమలుకు నోచుకోని హామీలు… కొండక్కిన సంక్షేమ పథకాలను వివరించారు. వీటికి రాహుల్ గాంధీ సమాధానం చెప్పాలని ఆ లేఖలో కేటీఆర్ డిమాండ్ చేశారు.
ఎన్నికలకు ముందు తెలంగాణలో ఏ పిల్లలకు కూడా కష్టమొచ్చిన సరే ఇలా పిలుస్తే…. అలా వస్తానని చెప్పి తీరా గద్దెనెక్కిన తర్వాత మా ప్రజల గొంతు తడిగుడ్డతో కోశారని ఆగ్రహం వ్యక్తం చేశారు.. రైతులు, నిరుద్యోగులు, విద్యార్థులు, పోలీసులు, ప్రభుత్వ ఉద్యోగులు, ఆటోడ్రైవర్లు, చేనేత కార్మికులు, మూసీ, హైడ్రా ఇలా ఒక్కరంటే సమాజంలో అన్ని వర్గాలను నయవంచనకు గురిచేశాయి. ఒక్కటంటే ఒక్క మాట కూడా నిలబెట్టుకోకుండా ప్రజలను నిండా ముంచారని. మీ ముఖ్యమంత్రి రేవంత్ రెడ్డి ప్రజలను హింసించే పులకేసి హింసిస్తుంటే ఏమీ తెలియనట్లుగా నటిస్తూ ఢిల్లీలో గప్ చుప్ అయిపోయారు. అధికారంలో వచ్చిన మరుసటి రోజు నుంచే మీ నయవంచన స్వరూపం ఎలా ఉంటుందో ప్రజలకు రుచి చూపించారు. వంద రోజుల్లో ఆరు గ్యారంటీలు అంటూ ఊదరగొట్టిన మీరు మూడు వందల రోజులు దాటినా సరే వాటిని అమలు చేయటం చేతకాక చేతులెత్తేశారు. కాంగ్రెస్ కబంధ హస్తాల్లో చిక్కుకొని తెలంగాణ రాష్ట్రం ఇప్పుడు విలవిల లాడుతోంది. అభయ హస్తం అని నమ్మబలికి భస్మాసుర హస్తం తో తెలంగాణ ప్రజల నిండా ముంచారు. ఒక్కటా, రెండా ఈ ఏడాదిలో మీ పార్టీ పాలన వైఫల్యాలు చిత్ర గుప్తుడి చిట్టా అంతా ఉన్నాయి.
నమ్మించి మోసం చేయడం కాంగ్రెస్ నైజం
నమ్మించి మోసం చేయటమనే నైజం కాంగ్రెస్ పార్టీ నరనరాల్లోనే ఉంది. ఆరు గ్యారంటీలు, అభయ హస్తం అంటూ ఇక్కడి ప్రజలను మోసం చేసేందుకు ముందుగా ఢిల్లీ నుంచి వచ్చి నాంది పలకండి మీరే. యథా రాజా తథా ప్రజా అన్నట్లు ఆ తర్వాత మీ బాటలోనే ఇక్కడి నాయకులు నడుస్తున్నారు. ఆరు గ్యారంటీల అమలు బాధ్యత నాది అని చెప్పిన మీరు… అధికారంలోకి వచ్చిన తర్వాత ఇటువైపు తొంగి కూడా చూడలేదు. 3 వందల రోజులైనా ఒక పరిమిత ఉచిత బస్సు మినహా ఒక్క గ్యారంటీని అమలు చేయలేని అసమర్థత మీది. రైతులకు రుణమాఫీ అని చెప్పి సగం మందికి కూడా రుణాలు మాఫీ చేయలేదు. కానీ మీ జాతీయ కాంగ్రెస్ పార్టీ ట్విట్టర్ లో మాత్రం పూర్తి రుణమాఫీ చేసేశామంటూ సిగ్గులేకుండా అబద్దాలను ప్రచారం చేసుకున్నారు. ఒక్క రుణమాఫీ యే కాదు రైతు భరోసాను ఎత్తగొట్టారు. బోనస్ ను బోగస్ చేశారు. కనీసం రైతులు పండించిన పంటను కూడా కొనుగోలు చేయలేని దద్దమ్మల మాదిరిగా తయారయ్యారు. నమ్మి ఓటు కోసం ఒక్క వర్గం కాదు తెలంగాణలోని సబ్బండ వర్గాలను మోసం చేస్తూ పైశాచిక ఆనందం పొందుతున్న మీ తీరును సమాజం గమనిస్తోంది.
అన్ని వర్గాల సంక్షేమ మా బాధ్యత అంటూ ఎన్నికల ముందు పెద్ద పెద్ద మాటలు చెప్పారు. కానీ ఇప్పుడు అన్ని వర్గాల సంక్షేమాన్ని నాశనం చేసే పనిని విజయవంతంగా కొనసాగిస్తున్నారు. ఏడాది పాలనలో కాంగ్రెస్ వర్గమే ఏంటంటే సబ్బండాలను రోడ్డెక్కించండి. నిరుద్యోగులు, విద్యార్థులు, రైతులు, అంగన్ వాడీలు, పోలీసులు ఇలా అన్ని వర్గాల వారు ప్రతి రోజు రోడ్లపై ధర్నాలు, నిరసనలు చేసే పరిస్థితి తీసుకొచ్చారు. దేశ చరిత్రలోనే ఎప్పుడూ లేని విధంగా పోలీసులను కొట్టిన ఘనత మీకే దక్కుతుంది. అన్ని వర్గాల ప్రజలను మోసం చేయడమే క్షమించరని తప్పంటే…అది చాలదన్నట్లుగా గెలిపించిన ప్రజలను హింసిస్తున్నారు.పేద, మధ్య తరగతి ప్రజలను కూలగొడుతుంటే వాళ్ల ఆర్తనాదాలు మీకు వినిపించడం లేదా? అని ప్రశ్నించారు.
మీ చేతగాని పాలన కారణంగా రాష్ట్రం ఆగుతోంది. మీ పాలనలోనే వందేళ్ల విధ్వంసం సృష్టించారు. ఇంకా నాలుగేళ్ల మీ చేతగాని పాలన కారణంగా తెలంగాణ ఏమైపోతుందని ఆవేదన కలుగుతోంది. రైతులు, చేనేత కార్మికులు, ఆటో డ్రైవర్లు మీ పాలన మొదలు కాగానే ఆత్మహత్యలు చేసుకోవటం మొదలు పెట్టారు. ప్రతి వర్గాన్ని రోడ్డెక్కించారు. కంపెనీలు తరలిపోతున్నాయి. రాష్ట్ర ఆదాయం తగ్గిపోతోంది. పాలన అనుభవం లేని బ్లాక్ మెయిలింగ్ ముఖ్యమంత్రి కారణంగా తెలంగాణ వందేళ్లు వెనక్కి వెళ్లే పరిస్థితి వచ్చింది. హైదరాబాద్ లో నిరసనలు కూడా వీలు లేకుండా నెల రోజుల పాటు ఆశలు పెట్టే దుస్థితి మీ ప్రభుత్వానిది.
రాష్ట్ర ఆర్థిక పరిస్థితిని అంచనా వేయకుండా నేల విడిచి మీరు చేసిన సాము కారణంగా తెలంగాణ భవిష్యత్ తలకిందులుగా మారింది. తీరా చేయాల్సిన అన్యాయమంతా చేసి కాంగ్రెస్ అధ్యక్షులు మల్లిఖార్జు ఖర్గే గారు సన్నాయి నొక్కులు నొక్కుతున్నారు. రాష్ట్ర ఆర్థిక పరిస్థితిని మించి హామీలు ఇస్తే ఆ రాష్ట్రం దివాళా తీస్తుందని మీ పార్టీ అధ్యక్షుల వారే వక్కాణిస్తున్నారు. అధికారమే పరమావధిగా బొచ్చెడు హామీలు ఇచ్చిన పాపంలో మీరే ప్రధాన అభిమానులున్నారు. అందుకే ఇప్పుడు క్షమాపణలు చెప్పాలని రాహుల్ గాంధీకి రాసిన లేఖలో కేటీఆర్ డిమాండ్ చేశారు.
