ఆంధ్రప్రదేశ్ ఉప ముఖ్యమంత్రి పవన్ కళ్యాణ్(pawan kalyan)ని ప్రముఖ తమిళ నటుడు, డైరెక్టర్ పార్థిబన్(parthiban)కలవడం ప్రాధాన్యత సంతరించుకుంది. మంగళగిరిలోని డిప్యూటీ సీఎం కార్యాలయానికి వెళ్లిన పార్తీబన్ ని పవన్ కళ్యాణ్ సత్కరించాడు. అనంతరం పలు అంశాల గురించి ఇద్దరూ చర్చించుకున్నట్లు తెలిసింది. ఈ భేటీతో జనసేన పార్టీ తన అధికారిక ఎక్స్ ఖాతా ద్వారా షేర్ చేసుకుంది.
పార్థిబన్ కూడా పవన్ కళ్యాణ్‌కు జ్ఞాపికని అందించడంతో పాటు ఒక పుస్తకాన్ని కూడా బహుకరించాడు.అయితే సినిమా విశేషాల గురించి మాట్లాడటానికి కలిసాడా లేదా డిప్యూటీ సీఎంగా బాధ్యతలు స్వీకరించినందుకు అభినందించేందుకు కలిశాడా అనే విషయంలో అందరిలో ఆసక్తి నెలకొని ఉంది.నిన్న ఫస్ట్ పొలిటికల్ మీటింగ్ జరిగిన నేపథ్యంలో ఈ భేటీకి కూడా విజయ్ ప్రాధాన్యత ఏర్పడింది. ,కన్నడి పోకల్, పుడియా పాదై, ది వొర్టెక్స్, కేని, పోనంగల్ వందల్ వంటి చిత్రాలు నటుడిగా పార్తీబన్ కి మంచి పేరు తెచ్చిపెట్టాయి.
పదహారు చిత్రాలకి కూడా దర్శకత్వం వహించిన పార్తీబన్ తెలుగులో రామ్ చరణ్ హీరోగా వచ్చిన రచ్చ, అంతపురం వంటి సినిమాల్లో కూడా నటించాడు. పార్తీబన్ భార్య సీత తెలుగులో ఎన్నో చిత్రాల్లో హీరోయిన్ గా చేసింది.
