సంక్రాంతికి నందమూరి, మెగా హీరోల సినిమాలు పోటీ పడటం సహజం. 2025 సంక్రాంతికి కూడా 'NBK 109'తో బాలకృష్ణ, 'గేమ్ ఛేంజర్'తో రామ్ చరణ్ బాక్సాఫీస్ బరిలోకి దిగుతున్నారు. దీంతో నందమూరి వర్సెస్ మెగా వార్ లో ఈసారి ఎవరు పైచేయి సాధించారు అనే ఆసక్తి అందరిలో ప్రదర్శించబడింది. అయితే ఈసారి సంక్రాంతికి నందమూరి వర్సెస్ మెగా వార్ తో పాటు.. నందమూరి వర్సెస్ నారా వార్ కూడా చూడబోతున్నాం.
తమిళ బ్లాక్ బస్టర్ ఫిల్మ్ 'గరుడన్' తెలుగు రీమేక్‌లో నారా రోహిత్, బెల్లంకొండ శ్రీనివాస్, మంచు మనోజ్ ప్రధాన పాత్రలు పోషిస్తున్నారు. 'నాంది' ఫేమ్ విజయ్ కనకమేడల డైరెక్ట్ చేస్తున్న ఈ సినిమా సంక్రాంతికి విడుదల చేయడానికి సన్నాహాలు చేస్తున్నారు.
2025 సంక్రాంతిపై ఇప్పటికే పలు సినిమాలు కర్చీఫ్ వేశాయి. 'NBK 109', 'గేమ్ ఛేంజర్', 'మజాకా'తో పాటు వెంకటేష్-అనిల్ రావిపూడి కాంబినేషన్ లో రూపొందుతున్న మూడో సినిమా కూడా సంక్రాంతికే వచ్చే ఛాన్స్ ఉంది. ఇక ఇప్పుడు 'గరుడన్' తెలుగు రీమేక్ కూడా పొంగల్ రేసులో చేరినట్లు తెలుస్తోంది. అదే జరిగితే నందమూరి వర్సెస్ నారా అనేది అందరి దృష్టిని ఆకర్షిస్తుంది అనడంలో సందేహం లేదు. మరి అసలే వరుస విజయాలతో ఫుల్ జోష్ లో ఉన్న మామ బాలయ్య ముందు.. అల్లుడు రోహిత్ ఎంతవరకు నిలబడగలడో చూడాలి.
