ముద్ర ప్రతినిధి, కామారెడ్డి:శనివారం రాత్రి నుంచి కురుస్తున్న భారీ వర్షానికి కామారెడ్డి జిల్లాలో పొంగిపొర్లుతున్న వాగులు,వంకలు ఏరులై పారుతున్నాయి. తాడ్వాయి మండలం సంతాయిపేట గ్రామంలో భీమేశ్వర వాగు ఉదృతంగా ప్రవహిస్తోంది. పోచారం భారీ ప్రాజెక్టు స్థాయికి నీరు వచ్చి చేరుతుంది. ప్రస్తుత ఇన్ ఫ్లో 1567 క్యూస్కులు వరద నీరు వచ్చి చేరుతుంది. పూర్తి స్థాయి నీటిమట్టం1464 అడుగులు(1.820 టీ యం సి) కాగా.. ప్రస్తుతం 1459 అడుగులు(1.078 టీ యంసి ) నీరు ప్రాచారం ప్రాజెక్ట్‌లో ఉంది. రాజంపేట మండలం గుండారం వద్ద ఉదృతంగా ప్రవహిస్తున్న పెద్దవాగు, గుండారం నుంచి కామారెడ్డికి రాకపోకలు నిలిచిపోయాయి.నిజాంసాగర్ ప్రాజెక్టులో 12,300 క్యూసెక్కుల ఇన్ ఫ్లో వస్తోంది. ప్రాజెక్టు పూర్తి స్థాయి నీటిమట్టం 1405 కాగా, 1392 అడుగులకు నీరు చేరింది. 5 టీటీల నీరు నిలువ ఉంది. పోచారం ప్రాజెక్టులో భారీగా ఇన్ ఫ్లో వస్తోంది.
నస్రుల్లాబాద్ మండలం బొమ్మ దేవిపల్లిలో రికార్డు స్థాయిలో 13.7 సెం.మీ వర్షపాతం నమోదైంది. బొమ్మదేవి పల్లిలో వరద నీరు ఇళ్లలోకి చేరింది. నీట మునిగిన పంటలు, సబ్ స్టేషన్ లోకి చేరిన నీరు చేరుతుంది. జన జీవనం అస్తవ్యస్తంగా మారింది.
2న విద్యా సంస్థలకు సెలవు
భారీ నుంచి భారీ వర్షాలు కురుస్తున్న నేపథ్యంలో విద్యార్థులకు ఎలాంటి కలగకూడదనే ఉద్దేశంతో ప్రభుత్వ ప్రైవేటు పాఠశాలలు, కళాశాలలు, ఐటిఐలు, రెసిడెన్షియల్ విద్యా సంస్థలకు సోమవారం 2వ తేదీ సోమవారం నాడు సెలవు నిర్వహిస్తున్నట్లు జిల్లా కలెక్టర్ ఆశీష్ సాంగ్వాన్ ఒక ప్రకటనలో తెలిపారు. అన్ని ప్రభుత్వ, ప్రైవేటు, ఐటిఐలు, రెసిడెన్షియల్ పాఠశాలలు, కళాశాలలు ఈ జాబితాను అమలు చేయాలని జిల్లా కలెక్టర్ ఆ ప్రకటనలో తెలిపారు.
పోచారం నుంచి త్వరలో నీరు విడుదల
అధిక వర్షాలు కురుస్తున్న ఈరోజు సాయంత్రం 5 గంటల వరకు పోచారం ప్రాజెక్టు పూర్తి స్థాయిలో ప్రాజెక్టు నుండి నీరు కిందికి వెళుతుంది. ప్రాజెక్ట్ కింది ప్రాంతాలైన హవేలీ గన్ పూర్, నాగిరెడ్డిపేట, ఎల్లారెడ్డి, నిజాంసాగర్ మండలాల ప్రజలను అప్రమత్తం చేయడం, పోలీస్ మరియు ఇరిగేషన్ శాఖ అధికారులను జిల్లా కలెక్టర్ ఆశిష్ సాంగ్వాన్ పట్టుకోవడం. ఆలేరువాగు, పోచారంనది పరిసర ప్రాంతాలైన పోచంర్యాల్, సర్దానా, మాల్ తుమ్మెద, గోల్లింగల్, చినూరు నాగిరెడ్డిపేట్, వెంకంపల్లి, తాండూరు మాసన్ పల్లి, రుద్రారం గ్రామ పంచాయతీ కార్యదర్శులు టాంటమ్ చేసి ప్రజలను అప్రమత్తం చేశారు.
