- అమెరికాకు ఇప్పటిదాకా మీరే ఆయువుపట్టు
- ఇప్పుడు పుట్టిన గడ్డ రుణం తీర్చుకునే సమయం వచ్చింది
- అభివృద్ధిలో భాగస్యామ్యం పంచుకోండి
- న్యూజెర్సీలో ఎన్నారైలతో సీఎం రేవంత్ రెడ్డి
ముద్ర, తెలంగాణ బ్యూరో :“ మీ నైపుణ్యాలు, మీ ప్రతిభా పాటవాలతో అమెరికాను పటిష్టంగా, సంపన్నంగా మార్చారు. అమెరికాకు ఇప్పటిదాకా మీరే ఆయువుపట్టు. ఇప్పుడు పుట్టిన గడ్డ రుణం తీర్చుకునే సమయం ఆసన్నమైంది. ఇకపై తెలంగాణకు మీ సేవలు అందించాలి” అని సీఎం రేవంత్ రెడ్డి.. ప్రవాసాంధ్రులను వివరించారు. స్వాగతించారు. రాష్ట్రానికి అత్యధిక పెట్టుబడులు తీసుకురావడంలో భాగస్వాములు కావాలని అమెరికాలోని తెలుగు రాష్ట్రాల ప్రవాసులకు ఉన్నాయి. న్యూజెర్సీలో ప్రవాసుల ఆత్మీయ సమ్మేళనానికి వేలాది మంది తరలివచ్చారు. ఈ సందర్భంగా దారిపొడవునా భారీ ర్యాలీతో ముఖ్యమంత్రికి ఘన స్వాగతం పలికారు. ఈ సందర్భంగా తెలుగు ప్రవాసాంధ్రుల మేధోశక్తిని సీఎం అభినందించారు. రాష్ట్రంలో పెట్టుబడులు పెట్టాలని, తెలంగాణ ప్రభుత్వం నుంచి అన్ని విధాలుగా సాయం ఉంటుందని, తెలంగాణలో మెట్రో కోర్ అర్బన్‌తో పాటు , సెమీ అర్బన్, రూరల్ క్లాస్టర్‌లుగా విభజించి పెట్టుబడులకు ప్రత్యేకమైన వ్యవస్థలను రూపొందించామని సీఎం వివరించారు.
ఈ ఆత్మీయ సమ్మేళనంలో సీఎం రేవంత్ భావోద్వేగ ప్రసంగం చేశారు. “తెలంగాణ మీ జన్మభూమి, మీ దేశంలో మీరు పెట్టిన ప్రతి పెట్టుబడికి తప్పకుండా ప్రయోజనం ఉంటుంది. అంతకు మించిన అత్యుత్తమ ప్రతిఫలం ఉంటుంది. మన ప్రాంత అభివృద్ధిలో భాగస్వామ్యం పంచుకుంటే అంతకు మించిన సంతృప్తి బోనస్ గా లభిస్తుంది..' అని ఎన్నారైలకు హామీ ఇచ్చారు. గత సంవత్సరం టీపీసీసీ అధ్యక్షుని హోదాలో తాను అమెరికాకు వచ్చానని, పదేండ్ల పాటు సాగిన దుష్పరిపాలనకు, విధ్వంసాలకు విముక్తి పలికి కాంగ్రెస్ ప్రభుత్వం అధికారంలోకి వచ్చిన తర్వాత మళ్లీ వస్తానని చెప్పానని, తాను ఇచ్చిన మాట నిలబెట్టుకున్నాను అని అన్నారు.
ప్రజలకు ఇచ్చిన ప్రతి హామీని తమ ప్రభుత్వం నిలబెట్టుకుంటోందని ముఖ్యమంత్రి పునరుద్ఘాటించారు. ఇప్పటికే రైతులు, మహిళలు, యువకుల నిరుద్యోగ సంక్షేమం, అభివృద్ధికి ఎన్నో కార్యక్రమాలు చేపట్టాం, రైతులకు ఏకకాలంలో రెండు లక్షల రుణమాఫీతో పాటు, ఇన్ పుట్ సబ్సిడీగా రైతు భరోసా, ఉద్యోగాలు, మహిళలకు ఉచిత బస్సు ప్రయాణం, రూ.500లకు గ్యాస్ సిలిండర్, నిరుపేదలకు 200 యూనిట్ల ఉచిత గృహ విద్యుత్, ఉపాధ్యాయులకు పదోన్నతులు , విద్యార్థులకు నాణ్యమైన విద్యా పథకాలను అమలు చేసిన తర్వాత గుర్తు చేశారు. ఇది ప్రారంభం మాత్రమే అని. భవిష్యత్తు ప్రణాళికలతో తమ ప్రభుత్వం ముందుకు వెళుతోంది.
అపోహలు వద్దు
తమ పరిపాలనపై ఎలాంటి పోహలు, ఆందోళనలకు తావు లేదని, భవిష్యత్తు అవసరాలను దృష్టిలో ఉంచుకొని సమ్మిళిత ఆర్థిక వృద్ధిని వేగంగా సాధించే తమ ప్రభుత్వం కొత్త పారిశ్రామిక విధానాన్ని అమలు చేయాలని సీఎం రేవంత్ రెడ్డి స్పష్టం చేశారు. నిధుల సమీకరణతో పాటు ఎక్కువ మందికి ఉపాధి కల్పన, నైపుణ్యాల వృద్ధికి అందులో సమానమైన ప్రాధాన్యమిస్తామని చెప్పారు.
ఎన్నికల ముందు తమపై ఎంతో విష ప్రచారం జరిగింది, గిట్టని వాళ్లందరూ అసలు కాంగ్రెస్ అధికారంలోకి రాదని ఎగతాళి చేశారు, వచ్చినా అది ఉండదన్నారని గుర్తు చేశారు. అప్పుల్లో ఉన్న రాష్ట్రాన్ని అభివృద్ధిలో ముందుకు తీసుకెళ్లేందుకు నిర్ధిష్టమైన ప్రణాళికాబద్దంగా పాలన సాగిస్తున్నామని, ఇప్పుడు రాష్ట్రంలో అభివృద్ధి మందగిస్తుందంటూ లేని పోని అపోహలు కల్పించేందుకు కొందరు ప్రయత్నిస్తున్నారని సీఎం ఆవేదన వ్యక్తం చేశారు. ఇప్పటికే వాళ్లకు తగిన బుద్ధి చెప్పామని, అబద్ధాలకోరుల మాటలు తప్పని మరోసారి నిరూపిస్తామని, హైదరాబాద్‌ను భారతదేశంలోనే కాదు.. ప్రపంచంలోనే అగ్రగామి నగరంలో అభివృద్ధి కోసం పోటీ పడుతున్నామని సీఎం రేవంత్‌రెడ్డి చెప్పారు.
అదిగో ఫ్యూచర్ సిటీ
ఈ సందర్భంగా అమెరికాలోని ఈస్ట్ కోస్ట్ ఇండియన్ కమ్యూనిటీకి చెందిన ముఖ్యులతో సీఎం మాట్లాడుతూ, హైదరాబాద్, సికింద్రాబాద్, సైబరాబాద్ తరహాలో నాలుగో నగరంగా ఫ్యూచర్ సిటీని అభివృద్ధి చేసినట్లు చెప్పారు. ప్రపంచ స్థాయి మాస్టర్ ప్లాన్ తో హైదరాబాద్ ను అత్యున్నత స్థాయి నగరంగా తీర్చిదిద్దుతామని, హైదరాబాద్ ను అభివృద్ధి చేసేందుకు మీరందరూ కలిసి రావాలని సీఎం ప్రకటించారు.
కాగా, ప్రజలకు ఇచ్చిన హామీలు, వాగ్దానాలను నెరవేర్చేందుకు ముఖ్యమంత్రి రేవంత్ రెడ్డి చేస్తున్న కృషిని ఎన్సారైలు అభినందించారు. హైదరాబాద్ అభివృద్ధి కార్యక్రమాలను, భవిష్యత్తు ప్రణాళికలను అందరూ ప్రశంసించారు. తెలంగాణలో పెట్టుబడులు పెట్టాలనే ప్రచారంలో ప్రభుత్వంతో కలిసి పాల్గొంటామని హామీ ఇచ్చారు. అంతకుముందు తెలంగాణ సంస్కృతిని చాటిచెప్పే పాటలు, నృత్యాలతో కూడిన భారీ ప్రదర్శనను చిన్నారులు ఏర్పాటు చేశారు.
ఈ కార్యక్రమంలో ముఖ్యమంత్రికి స్వాగతం పలికిన ఓవర్సీస్ కాంగ్రెస్ పార్టీ అమెరికా అధ్యక్షుడు మొహిందర్ సింగ్ గిల్జియాన్ మాట్లాడుతూ ముఖ్యమంత్రిగా చూడాలన్న తమ కోరిక నెరవేరిందని, ఇప్పుడు రాహుల్ గాంధీని భారత ప్రధానికి అందరం కష్టపడాలని సూచించారు. సాఫ్ట్‌వేర్, ఫార్మా, వ్యాక్సిన్‌లు, హెల్త్‌కేర్, ఆర్టిఫిషియల్ రంగాల్లో తెలంగాణ బలమైన స్థావరంగా ఎదగాలని ఆకాంక్షించారు.
