- 9 మీ పాలనలో కాంగ్రెస్ చేసిందేమిటి?
- జవాబివ్వకుంటే ప్రజలు కాంగ్రెస్ ను క్షమించబోరు
- రైతు ఆదాయాన్ని రెట్టింపు చేయడమే మా లక్ష్యం
- మహిళల కోసం రూ.3 లక్షల కోట్లు కేటాయింపు
- కనీస మద్దతు ధర కోసం రూ.2 లక్షలు కోట్లు కేటాయించింది
- ప్రధాని మోదీ 100 రోజుల ప్రోగ్రెస్ రిపోర్ట్ ను వెల్లడించిన బండి సంజయ్
ముద్ర, తెలంగాణ బ్యూరో : ప్రధానమంత్రి నరేంద్రమోదీ ఆధ్వర్యంలో కేంద్ర ప్రభుత్వం మూడోసారి అధికారంలోకి వచ్చింది 100 రోజుల్లోనే ఎన్నో విప్లవాత్మక నిర్ణయాలు తీసుకుని అమలు చేసిందని కేంద్ర హోంశాఖ సహాయ మంత్రి బండి సంజయ్ కుమార్ అన్నారు. ఇచ్చిన హామీలతోపాటు ప్రజా సంక్షేమం అనేక కార్యక్రమాలు చేపట్టామని ఆయన చెప్పారు. రైతు ఆదాయాన్ని రెట్టింపు చేసేదిశగా చర్యలు తీసుకుంటున్నట్లు తెలిపారు. మహిళల కోసం రూ.3 లక్షల కోట్లు కేటాయించామని, కనీస మద్దతు ధర కోసం రూ.2 లక్షలు కోట్లు కేటాయించామని ఆయన తెలిపారు. రూ.5.36 లక్షల కోట్లతో 3 కోట్ల ఇండ్ల నిర్మాణమే లక్ష్యంగా పెట్టుకున్నామని అన్నారు. 75 వేల మెడికల్ సీట్లను అదనంగా ఇచ్చామని, మూలధన వ్యయం కింద మౌలిక సదుపాయాల కల్పనకు రూ.11 లక్షల 11 వేల కోట్లు కేటాయించామన్నారు. అయితే తెలంగాణలో కాంగ్రెస పార్టీ అధికారంలోకి వచ్చి 9 నెలలైందని, 6 గ్యారంటీలను కూడా ఎందుకు అమలు చేయలేదని ప్రశ్నించారు.
9 నెలల కాంగ్రెస్ పాలనలో నెరవేర్చిన హామీలపై సమాధానం చెప్పాలని, లేనిపక్షంలో ప్రజలు ఆ పార్టీని క్షమించబోరని అన్నారు. ఈ మేరకు మంగళవారం బీజేపీ రాష్ట్ర పార్టీ రాష్ట్ర నాయకులతో కలిసి బండి సంజయ్ మీడియాతో మాట్లాడారు. ఈ సందర్భంగా ప్రధాని మోడీ 100 రోజులపాటు రైతులు, యువత, మహిళలు అన్ని వర్గాల అభ్యున్నతికి తీసుకుంటున్న చర్యలను ఆయన వివరించారు. పీఎం కిసాన్ నిధి ద్వారా 9 కోట్ల 30 లక్షల మంది ఖాతాల్లో 20 వేల కోట్ల రూపాయలు జమ చేశామన్నారు. అలాగే మహిళల కోసం 'నారీ శక్తి' పిఎంఏవై కింద 3 లక్షల కోట్లు కేటాయించామని, 2 లక్షల 35 వేల మంది స్వయం సంఘాలకు చెందిన 26 లక్షల మంది మహిళలను ఆదుకునేందుకు 5 వేల కోట్ల విలువైన బ్యాంకు రుణాలు ఇచ్చామన్నారు. 4 లక్షల 30 వేల స్వయం సంఘాలకు చెందిన 26 లక్షల మందికి 2 వేల 500 కోట్ల రివాల్వింగ్ ఫండ్ విడుదల చేసి ప్రయోజనం చేకూర్చామన్నారు. ముద్రా రుణాల పరిమితిని 10 లక్షల నుండి 20 లక్షల రూపాయలకు పెంచామని ఆయన చెప్పారు.
యువత అభ్యున్నతిలో భాగంగా 4 కోట్ల 10 లక్షల మంది యువతకు లాభం చేకూర్చేందుకు 2 లక్షల కోట్ల రూపాయల ప్యాకేజీని ప్రకటించామని తెలిపారు. వెయ్యి ఐటీఐలను అప్‌లోడ్ చేసి 20 లక్షల మంది యువతకు నైపుణ్య శిక్షణనిచ్చి ఉద్యోగం, ఉపాధి కల్పించాలని ప్రణాళిక రూపొందించారు. 75 వేల కొత్త వైద్య సీట్లు ప్రవేశపెట్టామని ఆయన ఏర్పాటు చేశారు. సామాజిక సంక్షేమంలో భాగంగా దేశంలోని 63 వేల ఆదివాసీ, గిరిజన గూడెల్లోని 5 కోట్ల మంది ఎస్టీల ఆర్థిక స్థితిగతులు మార్చే ప్రణాళికను అమలు చేస్తున్నట్లు ఆయన తెలిపారు. సీనియర్ సిటిజన్లకు సంవత్సరానికి 5 లక్షల రూపాయల వరకు ఆరోగ్య కవరేజ్ ఆయుష్మాన్ భారత్ నిధిని విస్తరించి 6 కోట్ల మందికి లబ్ది చేకూరుస్తున్నట్లు వివరించారు. బంగారం, వెండిపై కస్టమ్స్ డ్యూటీని 6 నిష్పత్తిలో, ప్లాటినంపై 6.4 అక్షాంశాన్ని తగ్గించిన పరిశీలన గుర్తు చేశారు. ప్రాథమిక సౌకర్యాలు మరియు అనుసంధానం కోసం.3 లక్షల కోట్ల విలువైన మౌలిక సదుపాయాల కల్పనకు ప్రాజెక్టులను రూపొందించినట్లు బండి సంజయ్ తెలిపారు. 50 వేల 600 కోట్ల రూపాయలతో 8 నేషనల్ హైస్పీడ్ రోడ్ కారిడార్లను ఏర్పాటు చేయబోతున్నామని ఆయన పేర్కొన్నారు. న్యాయంపై దృష్టి సారించి మూడు కొత్త క్రిమినల్ చట్టాలు ప్రవేశపెట్టడంతోపాటు పేపర్ లీక్‌లను నివారించేందుకు పబ్లిక్ ఎగ్జామినేషన్స్ యాక్ట్‌ను అమలు చేస్తున్నట్లు తెలిపింది.
