ముద్ర, తెలంగాణ బ్యూరో : మాజీ ముఖ్యమంత్రి కేసీఆర్, మాజీ మంత్రి హరీష్ రావులకు హైకోర్టులో ఊరట లభించింది. ఈ మేరకు మంగళవారం మేడిగడ్డ కుంగుబాటు కేసులో విచారణకు రావాలంటూ భూపాలపల్లి జిల్లా కోర్టు నోటీసులను సస్పెండ్ చేస్తూ హైకోర్టు ఉత్తర్వులు జారీ చేసింది. ఈ కేసు విచారణను వచ్చే నెల 7వ తేదీకి వాయిదా వేసింది. మేడిగ డ్డ బ్యారేజీ కుంగుబాటుపై భూపాలపల్లి జిల్లా కోర్టులో ఉన్న కేసును కొట్టేయాలని కోరుతూ కేసీఆర్, హరీశ్ రావు హైకోర్టులో సోమవారం నాడు క్వాష్ పిటిషన్ దాఖలు చేశారు. కాళేశ్వరం ప్రాజెక్టులో భాగమైన మేడిగడ్డ కుంగుబాటు అంశంపై వివరణ ఇచ్చారు కేసీఆర్, హరీశ్ రావు అప్పటి నీటి పారుదల శాఖ కార్యదర్శి రజత్, అప్పటివో కార్యదర్శి స్మితా సబర్వాల్, ఇంజినీరింగ్ నిర్మాత హరిరామ్, శ్రీధర్, మేఘా నిర్మాణ సంస్థ అధినేత మేఘారెడ్డి కృష్ణ, ఎల్ అండ్ టీ సంస్థ లకు భూపాలపల్లి జిల్లా కోర్టు నోటీసులు జారీ చేసింది. చేసింది.
మేడిగడ్డ కుంగుబాటుకు కేసీఆర్ సహా ఇతరులు కారణమని తెలియజేసారు నా గవెల్లి రాజలింగమూర్తి అనే వ్యక్తి మొదట మెజిస్ట్రేట్ కోర్టులో ప్రైవేట్ ఫిర్యాదు చేశారు. మీ వద్ద లేరంటూ మే జిస్ట్రేట్ కోర్టు సదరు పిటిషన్ ను కొట్టేసింది. రాజలింగం రివ్యూ పిటిషన్ వేయగా నోటీసులు జారీ చేసింది. రివిజన్ పిటిషన్ ను స్వీకరించే అధికార పరిధి భూపాలపల్లి జిల్లా కోర్టుకు లేదని, దాన్ని కొట్టేయాలని కోరుతూ కేసీఆర్, హరీశ్రవులు హైకోర్టును ఆశ్రయించారు. ఫిటిషన్‌ను విచారించిన కోర్టు భూపాలపల్లి జిల్లా కోర్టు నోటీసులను సస్పెండ్ చేస్తూ ఉత్తర్వులు జారీ చేసింది.
