- ధాన్యం కొనుగోళ్లపై సీఎం రేవంత్ స్ట్రాంగ్ వార్నింగ్
ముద్ర, తెలంగాణ బ్యూరో : ధాన్యం కొనుగోళ్ల విషయంలో రైతులను ఇబ్బందిపెట్టే వారిపై కఠిన చర్యలు తీసుకోవాలని ముఖ్యమంత్రి రేవంత్ రెడ్డి అధికారులను ఆదేశించారు. అలాంటి వ్యాపారాలపై అవసరమైతే ఎస్మా (ఎసెన్షియల్ సర్వీసెస్ మెయింటెనెన్స్ యాక్ట్) చట్టం ప్రకారం చర్యలు తీసుకోవాలని సూచించారు. రాష్ట్రవ్యాప్తంగా పలు చోట్ల రైతులను ఇబ్బందులకు గురి చేస్తున్న ఘటనలపై ముఖ్యమంత్రి రెడ్డి స్పందించారు. ఈ సమస్యలపై సంబంధిత అధికారులతో మాట్లాడారు. రైతుల పంట కొనుగోళ్లలో మోసాలకు పాల్పడితే సహించేది లేదని సీఎం రేవంత్ రెడ్డి హెచ్చరించారు. రైతులను గందరగోళానికి గురిచేయడం, వేధించటం వంటి ఘటనలపై కఠినంగా వ్యవహరించాలని అధికారులకు ముఖ్యమంత్రి వివరించారు. రాష్ట్రమంతటా ధాన్యం కొనుగోళ్లు సాఫీగా జరిగేలా అన్ని జిల్లాల కలెక్టర్లు తగిన చర్యలు తీసుకోవాలన్నారు. ఎక్కడైనా ఇబ్బందులు తలెత్తితే వెంటనే మాట్లాడి సమస్యలను పరిష్కరించాలని సూచించారు. గ్రామాల్లో ధాన్యం కొనుగోళ్లపై అంతగా దృష్టి సారించకపోవడం, కొనుగోలు కేంద్రాల వద్ద మౌలిక వసతులు లేకపోవడం వల్ల అన్నదాతలకు ఇబ్బందులు తప్పడం లేదు.
నిబంధనలు సాకుతో నిర్వాహకులు, మిల్లర్లు దోపిడీకి గురవుతున్నారు. మరోవైపు ధాన్యం తరలించేందుకు కావల్సిన గోనె సంచుల కొరత, తూకం ఆలస్యంగా వేయడం, ధాన్యం తీసుకెళ్లేందుకు వాహనాలు లేకపోవడం వంటి కారణాల వల్ల రైతులకు ఇబ్బందులు ఎదురవుతున్నాయి. దీనికి అప్పుడప్పుడు కురిసే అకాల వర్షాలతో కూడా రైతులకు నష్టం తప్పదు. రేవంత్ రెడ్డి ఫిర్యాదులు రావడంతో ముఖ్యమంత్రి ఇవాళ సమీక్ష నిర్వహించారు. రైతులను ఇబ్బంది పెట్టకూడదని, ధాన్యం కొనుగోళ్లు, తరలింపు వెంట జరగాలని, ఎక్కడైనా జాప్యం జరిగితే వ్యాపారులతో బాధ్యత అని హెచ్చరిక. కొనుగోళ్లు జరుగుతున్న తీరును పరిశీలించి, ఏమైనా సమస్యలుంటే అక్కడికక్కడే పరిష్కరించాలి. అయితే అక్కడక్కడ ధాన్యం కొనుగోళ్ల విషయంలో రైతులను ఇబ్బందులకు గురిచేస్తున్నారు. తేమశాతం, తూకం విషయంలో కొందరు వ్యాపారులు రైతులను ఇబ్బందులకు గురిచేస్తున్నారని, ఈ ఘటనలపై తీవ్ర పరిణామాలుంటాయని సీఎం రేవంత్ రెడ్డి ఆగ్రహం వ్యక్తం చేశారు.
