హైదరాబాద్‌లోని మందుబాబులకు పోలీస్ అధికారులు బ్యాడ్ న్యూస్ వినిపించారు. రెండు రోజుల పాటు వైన్స్, బార్లు మూసేయాలని హైదరాబాద్ పోలీసులు ఆదేశాలు జారీ చేశారు. అయితే.. ప్రస్తుతం గణేష్ ఉత్సవాలు ఘనంగా జరుగుతుండగా.. ఇప్పటికే నగరంలో వినాయక నిమజ్జనాలు ప్రారంభమయ్యాయి. వినాయకున్ని ప్రతిష్ఠించిన తర్వాత మూడో రోజు నుంచే.. నిమజ్జనాలు చేస్తున్నారు. ఈ విధంగా.. ఇప్పటికే ఈ హుస్సేన్ సాగర్‌తో పాటు పలు చెరువులు, కుంటల వద్ద గణేష్ నిమజ్జనాల సందడి. అయితే.. ప్రధానంగా అందిస్తున్న బడా గణేషుడైన ఖైరతాబాద్ వినాయకుని నిమజ్జనం మంగళవారం (సెప్టెంబర్ 17న) రోజున నిర్వహించబడుతుంది.
నిమజ్జనాలు చేసే ప్రదేశాల్లో పెద్ద ఎత్తున పోలీసులను మోంచి.. ఎలాంటి ఇబ్బందులు కలగకుండా చూడాలని ఇప్పటికే ప్రభుత్వం ఆదేశించింది. కొత్తగా వచ్చిన హైదరాబాద్ సీపీ సీవీ ఆనంద్.. రంగంలోకి దిగి ఏర్పాట్లు పర్యవేక్షిస్తున్నారు. ఈ మేరకు.. నగరంలో రెండు రోజుల పాటు మద్యం షాపులు మూసేయాలని పోలీసులు ఆదేశాలు జారీ చేశారు. నిమజ్జనం రోజైన సెప్టెంబర్ 17వ తేదీ ఉదయం 6 గంటల నుంచి సెప్టెంబర్ 18వ తేదీ సాయంత్రం 6 గంటల వరకు మద్యం దుకాణాలతో పాటు దుకాణాల దుకాణాలు, రెస్టారెంట్లు, మూసేయాలని సీపీ సీవీ ఆనంద్ ఆదేశాలు జారీ చేశారు.ఈ నిబంధనలను వైన్ షాపులు, బార్లు, రెస్టారెంట్లు తప్పక పాటించాలని.. ఉల్లంఘించిన వారిపై కఠిన చర్యలు తీసుకుంటామని సీపీ సీవీ ఆనంద్ చెప్పారు. అయితే… స్టార్ హోటల్ బార్లు, రిజిస్టర్డ్ క్లబ్‌లకు మాత్రం ఈ నిబంధనలు వర్తించవని పోలీస్ అధికారులు తెలిపారు.
