ప్రభాస్‌ లెక్క అదిరింది.. లైనప్‌లోనూ రికార్డ్‌ క్రియేట్‌ చేస్తున్న డార్లింగ్‌! – Prajapalana News

ప్రస్తుతం ఇండియాలో ఉన్న పాన్‌ ఇండియా హీరోల్లో ఒకేసారి రెండు సినిమాల్లో నటిస్తున్నవారు లేరు. కానీ, డార్లింగ్‌ ప్రభాస్‌ అలా కాదు. వచ్చిన సినిమాల నిలబడి ఓకే చేస్తూ తన లైనప్‌ను పెంచుకుంటూ పోతున్నాడు. ఎలాంటి టెన్షన్ లేకుండా సినిమాలను పూర్తి చేస్తూ వెళ్తున్నాడు. ప్రస్తుతం ఒకేసారి రెండు సినిమాల్లో నటిస్తున్న విషయం తెలిసిందే. హను రాఘవపూడి దర్శకత్వంలో 'ఫౌజీ', మారుతి దర్శకత్వంలో 'ది రాజా సాబ్‌' నిర్మాణంలో ఉన్నాయి. ఈ రెండు సినిమాలను వేగంగా పూర్తి చేసే పనిలో ఉన్నాడు ప్రభాస్. 'ది రాజా సాబ్‌' ఏప్రిల్‌ 10న సమ్మర్‌ స్పెషల్‌గా రిలీజ్‌ చేయాలని ప్లాన్‌ చేశారు. కానీ, ఆ డేట్‌కి రాజా సాబ్‌ రాకపో కనిపించింది. ఇదిలా ఉంటే.. కెజిఎఫ్‌, కాంతార, సలార్‌ వంటి భారీ చిత్రాలను నిర్మించిన హోమ్‌బేలే ఫిలిన్స్‌ వారు ప్రభాస్‌తో ఒకేసారి మూడు సినిమాలకు ఒప్పందం కుదుర్చుకున్న విషయం తెలిసిందే.

హోమ్‌బలేతో ప్రభాస్ చేయబోయే మూడు సినిమాల్లో ఒక సినిమాకి సంబంధించిన లేటెస్ట్ అప్‌డేట్ ఇప్పుడు సోషల్ మీడియాలో సర్క్యులేట్ అవుతోంది. అదేమిటంటే.. కాంతార ఫేమ్‌ రిషబ్‌ శెట్టి ఒక పవర్‌ఫుల్‌ సబ్జెక్ట్‌ రెడీ చేశాడు. అది విన్న హోంబలే ఫిలిన్స్‌ వారు ఆ కథ ప్రభాస్‌కి అయితే పర్‌ఫెక్ట్‌గా సూట్‌ అవుతుందని ఫీల్‌ అయ్యారట. ప్రభాస్‌తో చేయబోయే మూడు సినిమాల్లో ఒక సినిమాకి ఈ కథని ఫిక్స్ చేసే అవకాశం ఉంది. అయితే ఈ సినిమాను ఎవరు డైరెక్ట్ చేస్తారనే విషయం మాత్రం తెలియాల్సి ఉంది. రిషబ్‌శెట్టి హీరోగా నటించి దర్శకత్వం వహించిన కాంతార ఎంత పెద్ద విజయం సాధించిందో అందరికీ తెలిసిందే. దానికి ప్రీక్వెల్‌గా ఇప్పుడు కాంతార చాప్టర్ 1 ప్రదర్శిస్తున్నాడు రిషబ్. హోంబలేతో’ చేయబోయే మిగిలిన రెండు సినిమాల్లో ఒకటి ప్రశాంత్‌ వర్మ, మరొకటి లోకేష్‌ కనకరాజ్‌ ప్రభాస్ చేస్తారని సూచిస్తుంది. అయితే ఇది బయట వినిపిస్తున్న మాట మాత్రమే. దీనికి సంబంధించిన అధికారిక ప్రకటన రావాల్సి ఉంది.

ప్రస్తుతం రెండు సినిమాలతో ఉన్న ప్రభాస్‌ అవి పూర్తయిన తర్వాత సందీప్‌రెడ్డి వంగా దర్శకత్వంలో రూపొందించిన స్పిరిట్‌ సెట్స్‌కి వెళతారు. ఇప్పుడు ప్రభాస్ చేతిలో తీరిక లేనన్ని సినిమాలు ఉన్నాయి. అన్నీ పాన్‌ ఇండియా సినిమాలే కావడంతో అవి పూర్తి కావడానికి ఎన్ని సంవత్సరాలు పడుతుందో చెప్పడం కష్టం. ఇంకా ప్రభాస్‌ చెయ్యాల్సిన సలార్‌, కల్కి సీక్వెల్స్‌ కూడా ఉండనే ఉంది. ఇవి ఎప్పుడు స్టార్ట్ అవుతాయో, ఎప్పుడు రిలీజ్ అవుతాయో కూడా అర్థంకాని పరిస్థితి. ఏది ఏమైనా రాజాసాబ్ రిలీజ్ అయితేనే మిగిలిన సినిమాలు ఎప్పుడు స్టార్ట్ అవుతాయి, ఎప్పుడు రిలీజ్ కి ప్లాన్ చేయాలి అనే విషయాలు తెలుస్తాయి.