ముద్ర,వీపనగండ్ల :- నేటి యుగంలో కూడా కొందరు క్షుద్ర పూజలు చేస్తూ విద్యార్థులను భయభ్రాంతులకు గురిచేస్తున్నారు.అంతేకాక సినిమాల సీరియల్స్ వచ్చే సంఘటనలు చూసి కొందరు ఆకతాయిలు కూడా క్షుద్ర పూజలు అంటూ భయపెట్టడం. మండల పరిధిలోని తుమ్ముకుంట జిల్లా పరిషత్ పాఠశాల ఎదుట ఆదివారం అర్ధరాత్రి సమయంలో కొందరు క్షుద్ర పూజలు చేశారు. పాఠశాల ఎదుట రతి ముగ్గు వేసి వాటిపై నిమ్మకాయలు పసుపు కుంకుమ చల్లి కల్లు సీసా ఉంచి క్షుద్ర పూజలు చేసిన ఆనవాలు కనపడినట్లు పాఠశాల ప్రధానోపాధ్యాయులు శ్రీనివాసులు తెలిపారు.
సోమవారం పాఠశాలకు వచ్చిన విద్యార్థుల పాఠశాలకు వెళ్ళటానికి భయపడి బయటనే నిలిచిపోయారు. ప్రధానోపాధ్యాయులు శ్రీనివాసులు ఉపాధ్యాయులు క్షుద్ర పూజకు ఉపయోగించిన వస్తువులను కల్లు సీసాను అక్కడి నుంచి తీయించి నీళ్లతో శుభ్రం చేయించారు. మూఢనమ్మకాలు నమ్మవద్దని ఇలాంటి విద్యార్థులకు అవగాహన కల్పించి, భయభ్రాంతులకు గురికాకుండా ఉండాలని విద్యార్థులకు ధైర్యం కల్పించారు. గతంలో కూడా ఒక మారు పాఠశాలలో క్షుద్ర పూజలు చేయడం ఆనవాళ్లు ఉండగా తొలగించామని, మళ్లీ అలాంటి ఘటనే పునరావృతమైందని అన్నారు. పాఠశాల ఎదుట సంఘటనపై పోలీస్ స్టేషన్‌లో ఫిర్యాదు చేసినట్లు ప్రధానోపాధ్యాయులు శ్రీనివాసులు పంచాయతీ కార్యదర్శి వహీద్ తెలిపారు. పాఠశాలలో ఇలాంటి ఘటనలు జరగకుండా పోలీసులు చర్యలు తీసుకోవాలని గ్రామస్తులు కోరుతున్నారు.
