.webp)
అందరకి ఊహలని తలకిందులు చేస్తూ పవర్ స్టార్ పవన్ కళ్యాణ్ ఓజి కి గ్యాప్ ఇచ్చి 'హరిహర వీరమల్లు' ని పూర్తి చేయబోతున్న విషయం తెలిసిందే. ఈ మూవీ రెండు భాగాలుగా తెరకెక్కనుండగా పార్ట్ 1 మార్చి 28న వరల్డ్ వైడ్ గా విడుదల కాబోతుంది.దీంతో శరవేగంగా చిత్రీకరణ జరుపుకుంటుంది.ఈ మేరకు ఇటీవలే ప్రఖ్యాత హాలీవుడ్ యాక్షన్ డైరెక్టర్ నిక్ పావెల్ ఆధ్వర్యంలో భారీ యుద్ధ సన్నివేశాలను చిత్రీకరించారు,అందులో పవన్ కళ్యాణ్ తో పాటు మరో ఐదు వందల మందికి పైగా ఉన్నారు.
ఇప్పుడు కొత్త షెడ్యూల్ ఈ వారాంతంలో ప్రారంభం.విజయవాడలో కాబోయే షెడ్యూల్‌లో కథకి కీలకమైన కొన్ని యాక్షన్ సన్నివేశాలను చిత్రీకరిస్తున్నారు.ఇందులో పవన్‌తో పాటు 200 వరకు పాల్గొంటున్నారు.ఇక ఈ షెడ్యూల్‌తో సినిమా పూర్తి అవుతుందని చిత్ర బృందం అధికారికంగా వెల్లడి చేసింది. ఇప్పుడు ఈ న్యూస్ సోషల్ మీడియాలో వస్తున్న పవన్ ఫ్యాన్స్ అయితే ఫుల్ ఖుషీగా ఉన్నారు.ఎందుకంటే వీరమల్లు ఎప్పుడో మూడు సంవత్సరాల క్రితం ప్రారంభించారు. గొంతు తో పాటు పవన్ పొలిటికల్ పనులు వలన సినిమా లేట్ అవుతుంది. పైగా ఈ గ్యాప్ లో పవన్ వేరే సినిమాలని కూడా స్టార్ట్ చేసాడు.ఆ కోవలోనే వీరమల్లు తర్వాత స్టార్ట్ అయిన 'బ్రో' కూడా రిలీజ్ అయ్యింది. దాంతో ఒక దశలో వీరమల్లు ఆగిపోయిందేమో అనే చర్చ కూడా జరిగింది.
అలాంటిది ఇప్పుడు వీరమల్లు షూటింగ్ తుది దశకి చేరిందనే వార్త రావడంతో పవన్ ఫ్యాన్స్ చాలా సంతోషంగా ఉన్నారు. పవన్ చేస్తున్న మొట్టమొదటి చారిత్రాత్మక మూవీ కావడంతో ఫ్యాన్స్‌తో పాటు ప్రేక్షకుల్లో కూడా వీరమల్లుపై భారీ అంచనాలు ఉన్నాయి.శ్రీ సూర్య మూవీస్ పతాకంపై ఏఎం రత్నం అత్యంత భారీ వ్యయంతో ఈ మూవీలో నిధి అగర్వాల్ హీరోయిన్ గా చేస్తుండగా, బాబీ డియోల్, అనుపమ్ ఖేర్, నాజర్, రఘుబాబు ముఖ్య పాత్రలు పోషిస్తున్నారు.జ్యోతి. కృష్ణ దర్శకుడు కాగా ఎం కీరవాణి సంగీతాన్ని అందించాడు.
