19
హైదరాబాద్: హైదరాబాద్ లోని జూబ్లీహిల్స్ ప్రధాన రహదారిలో ఒక బీఎండబుల్ కారు పూర్తిగా దగ్ధమైంది. ప్రమాదం నుంచి కారు డ్రైవర్ క్షేమంగా తప్పించుకున్నాడు. జూబ్లీహిల్స్ లోని నందగిరి హిల్స్ ప్రాంతంలో రోడ్డుపై నడుస్తున్న బీఎండబ్ల్యూ కారులో ఒక్కసారిగా మంటలు చెలరేగాయి. అప్రమత్తమైన డ్రైవర్ కారులోంచి దిగిన వెంటనే.. క్షణాల్లో పూర్తిగా కారు దగ్ధమైంది. ఇది ప్రధాన రహదారిగా భారీగా ట్రాఫిక్‌జామ్ ఏర్పడింది. జూబ్లీహిల్స్ చెక్‌పోస్టు నుంచి ఫిల్మ్‌నగర్‌, ఒమేగా ఆసుపత్రి నుంచి నందగిరి హిల్స్ వరకు అక్కడి మేర ట్రాఫిక్‌ నిలిచిపోయింది. అగ్నిమాపక సిబ్బంది ఘటన స్థలికి చేరుకునేలోపే మంటల్లో కారు పూర్తిగా దగ్ధమైంది. రంగంలోకి దిగిన ట్రాఫిక్‌ పోలీసులు వాహనాల రాకపోకలను క్రమబద్ధీకరించగా.. అగ్నిమాపక సిబ్బంది మంటలు ఆర్పివేశారు.
