- పరీక్ష రీ షెడ్యూల్, జీవో 29 నుండి సవరణకు డిమాండ్
- 15న అర్ధరాత్రి పోలీసుల అదుపులో అభ్యర్థులు
- గాంధీభవన్ ముట్టడి భగ్నం
- కేటీఆర్ ను కలిసిన నిరుద్యోగులు
- ప్రభుత్వంపై ఒత్తిడి తీసుకువస్తామన్న కేటీఆర్
- అభ్యర్ధులతో పీసీ చీఫ్ భేటీ
- సమస్యను సర్కార్ దృష్టికి తీసుకువెళ్లానని హామీ
- పరీక్ష నిర్వహణకు కొనసాగుతోన్న కసరత్తు
ముద్ర, తెలంగాణ బ్యూరో : రాష్ట్రంలో గ్రూప్ 1 అభ్యర్థులు పోరుబాట పట్టారు. గ్రూప్ 1 మెయిన్స్ పరీక్షను వాయిదా వేయాలని రాష్ట్ర రాజధానిలో గురువారం ఆందోళనకు దిగారు. అభ్యర్థులకు ప్రతిపక్ష బీఆర్ఎస్ పార్టీ మద్దతుగా నిలవడంతో ఆ అంశానికి రాజకీయ రంగు అద్దుకుంది. అభ్యర్థులతో తెలంగాణ భవన్ లో భేటీ అయిన బీఆర్ఎస్ వర్కింగ్ ప్రెసిడెంట్ పరీక్షను వాయిదా వేసేలా కాంగ్రెస్ ప్రభుత్వంపై ఒత్తిడి తీసుకువస్తామని హామీ ఇచ్చారు. ఇటు గాంధీభవన్ ముట్టడికి యత్నించి అరెస్టయిన అభ్యర్థులతో పార్టీ సమావేశమైన టీపీసీసీ చీఫ్ మహేశ్ కుమార్ గౌడ్ వారి డిమాండ్లు, సమస్యను అడిగి తెలుసుకున్నారు. ఈ అభ్యర్థులు ప్రభుత్వం విడుదల చేసిన జీవో 29ని రద్దు చేసి, పాత జీవో 55 ప్రకారమే పరీక్షలు నిర్వహించాలని డిమాండ్ చేశారు.
ప్రభుత్వం తీసుకున్న ఈ నిర్ణయంతో పాత నోటిఫికేషన్ ఇచ్చిన 503 పోస్టుల్లో కొత్త అభ్యర్థులకు అవకాశాలు కల్పిస్తే పోటీ పెరుగుతుందని ఆందోళన వ్యక్తం చేశారు. పాత నోటిఫికేషన్‌తో 60 పోస్టులు మాత్రమే పెంచిన ప్రభుత్వం కొత్త అభ్యర్థులకూ అవకాశం కల్పిస్తే మీకు అన్యాయం జరిగే అవకాశం. కావాలంటే 60 పోస్టులతో (503 పాత పోస్టులు మినహాయించి) మరో నోటిఫికేషన్ జారీ చేయాలి. జీవో 29, రిజర్వేషన్ అంశాలు కోర్టు కేసుల్లో పెండింగ్‌లో ఉన్నందున వాటిని పరిష్కరించిన తర్వాత పరీక్షలు నిర్వహించాలని సూచించింది. అభ్యర్థుల సమస్యలు విన్నమహేష్ కుమార్ గౌడ్ పరిస్థితిని ప్రభుత్వం దృష్టికి తీసుకెళ్లి చర్యలు తీసుకుంటానని హామీ ఇచ్చారు. అదే సమయంలో నిరుద్యోగ అభ్యర్థులను రెచ్చగొడుతున్నారంటూ బీఆర్ఎస్ వర్కింగ్ ప్రెసిడెంట్ కేటీఆర్ పై మండిపడ్డారు. రాష్ట్రంలో పదేళ్లు అధికారంలో ఉన్న మీరు ఎన్ని ఉద్యోగాలు కల్పించారో శ్వేతపత్రం విడుదల చేయాలని కేటీఆర్ ను డిమాండ్ చేశారు. కేటీఆర్ నిరుద్యోగుల పట్ల మొసలి కన్నీరు కారుస్తున్నారని. తాము అధికారంలోకి వచ్చిన పది నెలల్లోనే డీఎస్సీ, వైద్యారోగ్యశాఖ, గ్రూప్స్, పోలీసు శాఖల్లో ఉద్యోగాలు భర్తీ చేశామన్నారు.
అర్ధరాత్రి ఆందోళనలు.. అదుపులోకి తీసుకున్న అభ్యర్థులు
జీవో 29ని వెంటనే సవరించి పరీక్షలు జరపాలని డిమాండ్ చేస్తూ గ్రూప్ 1 అభ్యర్థులు గురువారం గాంధీ భవన్ ముట్టడికి పిలుపునిచ్చిన విషయం తెలిసిందే. ఈ నెల 16 అర్థరాత్రి నుంచే హైదరాబాద్ అశోక్ నగర్‌లో ఆందోళనలు జరుగుతున్నాయి. సమాచారం అందుకున్న పోలీసులు అక్కడికి చేరుకొని అభ్యర్థులను అదుపులోకి తీసుకున్నారు. దీంతో అశోక్‌నగర్‌లో కొద్దిసేపు ఉద్రిక్త వాతావరణం. అభ్యర్థులు రోడ్లు బ్లాక్ చేయడంతో భారీగా వాహనాలు నిలిచిపోయి వాహనదారులు అవస్థలు పడ్డారు. ఓ వైపు ఈ నెల 21 నుంచి గ్రూప్-1 మెయిన్ పరీక్షలు నిర్వహించేందుకు ప్రభుత్వం కసరత్తు చేస్తుంది.
తమ డిమాండ్లను పరిష్కరించకుండా పరీక్ష నిర్వహించడం వద్దని రాత్రి అశోక్ నగర్ వద్ద పెద్ద ఎత్తున అభ్యర్థులు ఆందోళన చేపట్టారు. ఈ గాంధీ భవన్ వైపు వచ్చేందుకు ప్రయత్నించిన అభ్యర్థులను పోలీసులు అడ్డుకుని అదుపులోకి తీసుకున్నారు. అభ్యర్థుల ఆందోళన నేపథ్యంలో పీసీసీ చీఫ్ మహేశ్ కుమార్ గౌడ్ గురువారం మద్యాహ్నం వారితో చర్చలు జరిపి డిమాండ్లను ప్రభుత్వం దృష్టికి తీసుకువెళతానని హామీ ఇచ్చారు. అంతకు ముందు తెలంగాణ భవన్ లో కేటీఆర్ తో భేటీ అయిన అభ్యర్థులు పరీక్ష రాద్దయ్యేలా ప్రభుత్వంపై ఒత్తిడి తీసుకురావాలని సూచించారు.
గ్రూప్-1 నిర్వహణపై సీఈఎస్ వీడియో కాన్ఫరెన్స్
గ్రూప్ -1 మెయిన్స్ పరీక్షలు ఈ నెల 21 నుంచి 27వ తేదీ వరకు నిర్వహించనున్ననేపథ్యంలో ఈ పరీక్షల నిర్వహణపై సీఎస్ శాంతికుమారి గురువారం అన్ని జిల్లాల కలెక్టర్లు, పోలీసులతో వీడియో కాన్ఫరెన్స్ నిర్వహించారు. ఈ కాన్ఫరెన్స్ లో టీజీపీఎస్సీ కార్యదర్శి నవీన్ నీకోలస్, హైదరాబాద్, రంగారెడ్డి, మేడ్చల్ జిల్లాల కలెక్టర్లు, అధికారులు.
మరోైవైపు తమ డిమాండ్లను పట్టించుకోని ప్రభుత్వం తీరుపై అభ్యర్ధులు మండిపడుతున్నారు. ఓ వైపు తాము ఆందోళనలు నిర్వహిస్తుంటే.. ప్రభుత్వం పరీక్షల నిర్వహణకు సిద్ధమవడం దారుణమన్నారు. జీవో 29, జీవో 55పై ఎటూ తేల్చకుండా, తప్పుడు ప్రశ్నలను పరిష్కరించకుండా ఆగమేఘాల మీద గ్రూప్ -1 మెయిన్స్ పరీక్షలు ఎలా నిర్వహించారని ప్రశ్నించారు. తెలుగు అకాడమీ పుస్తకాలు ప్రామాణికమో? కాదో? చెప్పకుండా ప్రశ్నల్లో తప్పులు దొర్లకుండా పరీక్షలు నిర్వహిస్తున్నామని హామీ ఇవ్వకుండా పరీక్ష ఎలా నిర్వహించారని నిలదీశారు. తెలుగు అర్థం సరిగ్గా ఇస్తారా? లేదా? చెప్పకుండా పరీక్షలు ఎలా నిర్వహించారని నిలదీశారు. ఎలాంటి స్పష్టత ఇవ్వకుండానే గ్రూప్-2, 3 పరీక్షలు పెట్టుకోవడం కూడా నిరుద్యోగులను నిండా ముంచడమేనని.
గ్రూప్-1 ప్రిలిమ్స్‌ పరీక్షపై దాదాపు 33 కేసులు దాఖలయ్యాయని, అవన్నీ పరిష్కారమైన తర్వాతే మెయిన్స్ పరీక్షలు నిర్వహించాలని డిమాండ్ చేశారు. గ్రూప్-1 పరీక్షలు 2011లోనూ నిర్వహించి రద్దు చేశారు, 2016లో తిరిగి నిర్వహించారని గుర్తుచేశారు. మెయిన్స్ పరీక్షల్లోనూ ఇలాంటి ఘటనలు పునరావృతం కాకుండా చూడాలని చెప్పారు. గ్రూప్-1 పరీక్ష ప్రిలిమ్స్‌లో అన్ని ప్రశ్నలూ తప్పుల తడకలేదని, 150 ప్రశ్నలకు 20 ప్రశ్నలు తప్పుగా వచ్చాయని గుర్తుచేశారు. ఈ కేసులన్నీ పరిష్కరించిన తర్వాతే మెయిన్స్ నిర్వహించాలని డిమాండ్ చేశారు.
