- యూఎస్ లోని హూవర్ డ్యాం జల విద్యుత్ స్ఫూర్తిదాయకం
- అందుకు తగ్గట్టుగా తెలంగాణలో మెరుగైన పద్దతులు, రక్షణ చర్యలు
- అక్కడి రక్షణ చర్యలు ఆచరించదగినవి
- అదే స్పూర్తితో రాష్ట్రంలోని ప్రాజెక్టులపై పర్యవేక్షణ
- రాష్ట్రంలోని ప్రాజెక్టుల సామర్థ్యం పెంపుపైనా పరిశీలన
- బొగ్గు ఉత్పత్తిపైనా యూఎస్ తరహా ప్రాజెక్టు
- అమెరికా పర్యటనలో డిప్యూటీ సీఎం భట్టి విక్రమార్క
ముద్ర, తెలంగాణ బ్యూరో : అమెరికాలోని నెవడ, అరిజోన రాష్ట్రాల సరిహద్దుల్లో కొలరాడో నదిపై ఎనిమిది దశాబ్దాల క్రితం నిర్మించిన అతిపెద్ద జలవిద్యుత్ ప్రాజెక్టు హూవర్ డ్యామ్ స్పూర్తిదాయకమని డిప్యూటీ సీఎం భట్టి విక్రమార్క తెలిపారు. అక్కడి నీటి వినియోగం, అమలవుతున్న రక్షణ చర్యలు ఆచరించదగినవని కితాబిచ్చారు. అమెరికాలో అధికారిక పర్యటనలో ఉన్న భట్టి విక్రమార్క గురువారం రాష్ట్ర ప్రతినిథి బృందంతో కలిసి హూవర్ డ్యామ్ ను సందర్శించారు. ఈ సందర్భంగా ఫెడరల్ గవర్నమెంట్ అధికారులు రాష్ట్ర బృందానికి ప్రాజెక్టు వివరాలను స్వయంగా వివరించారు. తీవ్ర దుర్భిక్ష పరిస్థితులు ఏర్పడిన కాలంలో 1931-36 మధ్య నిర్మించిన ఈ ఆర్క్ గ్రావిటీ నిర్మాణం ఒక ఇంజనీరింగ్ అద్భుతమన్నారు. అక్కడ ఉన్న 17 జనరేటర్ల ద్వారా 2080 మెగావాట్ల జల విద్యుత్తు ఉత్పత్తి అవుతుందనీ మూడు రాష్ట్రాల విద్యుత్తు అవసరాలను తీరుస్తుందని అధికారులు వివరించారు.
ఈ ప్రాంతంలోని మూడు ప్రధాన పట్టణాల్లో ఉన్న 80 లక్షల మంది ప్రజల మంచినీటి అవసరాలతో పాటు సాగునీటి అవసరాలు కూడా హూవర్ డ్యామ్ తీరును వివరిస్తుంది. 726 అడుగుల, 1244 అడుగుల పొడవు ఉన్న ఈ డ్యామ్ వెనుక ఒక పెద్ద కృత్రిమ సరస్సు ఏర్పడిందని, పూర్తి నీటి నిలువ సామర్థ్యం ఉన్నప్పుడు 185 అడుగుల పొడవు నీటితో విస్తరించి ఉందని వివరించారు. ఏటా సుమారు 80 లక్షల మంది పర్యాటకులు దీన్ని సందర్శిస్తారని పేర్కొన్నారు. ఈ సందర్భంగా భట్టి విక్రమార్క అక్కడ జరుగుతున్న జల విద్యుత్ ఉత్పాదకత, యంత్రాల సామర్థ్యం, నీటి లభ్యత, అడుగడుగునా ఏర్పాటు చేసిన రక్షణ చర్యలు, ఇంకా ఇతర విషయాలను అడిగి తెలుసుకున్నారు. తెలంగాణలో గల జల విద్యుత్తు ప్రాజెక్టుల సమాచారంతో బేరీ వేస్తూ హువర్ డ్యామ్ జలవిద్యుత్తు ఉత్పాదకతను స్ఫూర్తిగా తీసుకొని మన ప్రాజెక్టుల సామర్థ్యం పెంపుదలకు, రక్షణ మెరుగుదలలకు గల అవకాశాలను పరిశీలించాలని రాష్ట్ర అధికారులు అంచనా వేస్తున్నారు. ఈ సందర్భంగా 1931 నుండి 35 మధ్య జరిగిన డ్యామ్ నిర్మాణాలను, సాపేక్ష డ్యామ్ అధికారులు ప్రదర్శించారు.
వర్చువల్ రియాలిటీ సాయంతో బొగ్గు ఉత్పత్తి ఒక అద్భుతం
అమెరికాలో కొనసాగుతున్న మైనెక్స్-2024 అంతర్జాతీయ ప్రదర్శనలో భాగంగా గురువారం భట్టి విక్ర‌క తన బృందంతో కలిసి వివిధ ప్రఖ్యాత కంపెనీల స్టాల్స్‌ను సందర్శించారు. శాండ్విక్ కంపెనీ స్టాల్ లో ఏర్పాటు చేసిన అత్యాధునిక కంటిన్యూయస్ మైనర్ యంత్రాన్ని,అదే స్టాల్లో ఏర్పాటు చేసిన వర్చువల్ రియాలిటీ మైనింగ్ టెక్నాలజీని పరిశీలించారు. ఈ సందర్భంగా ఈ వర్చువల్ రియాలిటీ ద్వారా గని లోపల పరిస్థితులను కళ్ళకు కట్టినట్లు చూపిస్తున్నందున దానితో పాటు మెరుగైన శిక్షణ పొందేందుకు అవకాశం ఏర్పడుతుందని నిర్వాహకులు భట్టి బృందానికి వివరించారు.
అలాగే ఈ వర్చువల్ రియాలిటీతో గని యొక్క పని ప్రదేశానికి యంత్రాన్ని పంపించి అక్కడి పరిస్థితులను వెలుపల నుండి అంచనా వేస్తూ బొగ్గును తవ్వొచ్చు అని, ఇది అత్యాధునిక మైనింగ్ పద్ధతిగా నిలుస్తుందని నిర్వాహకులు చెప్పారు. అయితే ఈ ఆధునిక సాంకేతికత వల్ల కలిగే ప్రయోజనాలు అద్బుతం అని, ఈ సాంకేతికత వల్ల కార్మికులకు చిన్న ప్రమాదం జరగకుండా ఉత్పత్తిలో పాల్గొనే అవకాశం ఉందని భట్టి ప్రకటించారు.
సింగరేణి కార్మికుల రక్షణను దృష్టిలో ఉంచుకొని ఈ తరహా సాంకేతికతను గనుల్లో, భవిష్యత్తు గనుల్లో ఏర్పాటు చేయడానికి గల అవకాశాలను పరిశీలించాలని బృందంలో ఉన్న సింగరేణి సిఎండీ బలరాంను మరింత కాలంగా. ఈ ప్రదర్శనలో రాష్ట్ర ఇంధన శాఖ కార్యదర్శి రోనాల్డ్ రోస్, ఇతర అధికారులు ఉన్నారు.
