ఆలయాన్ని సందర్శించిన డీసీఎంఎస్ చైర్మన్ శేషగిరిరావు.

Share this on your social network:

Published: Tuesday April 19, 2022

జడ్పీటీసీ ప్రమీల దంపతులకు లక్షా విరాళం అందజేత..

తల్లాడ, ఏప్రిల్ 18 (ప్రజాపాలన న్యూస్): తల్లాడ మండలంలోని కలకొడిమ గ్రామంలో నిర్మాణంలో ఉన్న శ్రీ కోదండరామ సహీత కలకొడిమేశ్వర ఆలయాన్ని ఖమ్మం డీసీఎంఎస్ చైర్మన్ రాయల శేషగిరిరావు, పద్మావతి దంపతులు సోమవారం దర్శించుకున్నారు. ఈ సందర్భంగా తల్లాడ జడ్పీటీసీ దిరిశాల ప్రమీల, ఆలయ కమిటీ చైర్మన్ దిరిశాల దాసురావులతో కొద్దిసేపు మాట్లాడారు. ఈ నేపథ్యంలో జడ్పీటీసీ దంపతుల విజ్ఞప్తి మేరకు డీసీఎంఎస్ చైర్మన్ రాయల శేషగిరిరావు ఆలయ అభివృద్ధికి లక్ష నూట పదహార్లు అందించారు. ఈ సందర్భంగా ఆయనను వారు ప్రత్యేకంగా శాలువాలు పూలదండలతో సత్కరించారు. అదేవిధంగా ఈనెల 25వ తేదీన భారీఎత్తున ఆలయ ప్రతిష్ట జరుగుతుందని, ఈ కార్యక్రమానికి భక్తులు అధిక సంఖ్యలో పాల్గొని, స్వామివార్ల తీర్థప్రసాదాలు పొంది వారి కృపకు పాత్రులు కావాలని జడ్పిటిసి కోరారు. ఈ కార్యక్రమంలో కుర్నవల్లి సొసైటీ చైర్మన్ ఐలూరి ప్రదీప్ రెడ్డి, ఎంపీటీసీ ఆదూరి వెంకటేశ్వర్లు, టిఆర్ఎస్ నాయకులు బండి మోహన్ రావు, యాదవ సంఘం నాయకులు అయితంరాజు, యూత్ నాయకులు మనుబోలు నరసింహారావు, తదితరులు పాల్గొన్నారు.

Share this on your social network:

ఆలయాన్ని సందర్శించిన డీసీఎంఎస్ చైర్మన్ శేషగిరిరావు.

Related News