- రోడ్ల నిర్మాణంలో ఆధునాతన, సాంకేతిక పరిజ్ణానం
- హైవేలపై ట్రామాకర్ సెంటర్ల ఏర్పాటుకు చర్యలు
- ప్రపంచబ్యాంకు ప్రతినిధుల సమావేశంలో మంత్రి కోమటిరెడ్డి
ముద్ర, తెలంగాణ బ్యూరో : ప్రపంచ వ్యాప్తంగా అధునాతన రోడ్డు నిర్మాణ సాంకేతికతను అమలు చేయడంతోపాటు రాష్ట్ర రోడ్డు భవనాల శాఖ మంత్రి కోమటిరెడ్డి వెంకట్ రెడ్డి. అందులో స్మార్ట్ రోడ్ టెక్నాలజీ, ఇంటలిజెన్స్ ట్రాఫిక్ మేనేజ్ మెంట్, ఫ్యూచరిస్టిక్ ఆటోమేటెడ్ కన్ స్ట్రక్షన్, ఐసీటీ వంటి అధునాతన పద్ధతులను వినియోగించి రోడ్డు మరణాలను తగ్గిస్తామన్నారు.
సోమవారం సచివాలయంలో ప్రపంచబ్యాంకు ప్రతినిధులతో సమావేశమైన మంత్రి.. ప్రజల ప్రాణాలను కాపాడేందుకు తెలంగాణ ప్రభుత్వం కట్టుబడి ఉందని తెలిపారు. వందలాది ప్రజలు రోడ్డు ప్రమాదాల్లో చనిపోతున్నప్పటికి గత ప్రభుత్వం ఏమాత్రం శ్రద్ధ వహించలేదు. దాంతో ఎందరో అమాయకులు రోడ్డు ప్రమాదాల్లో ప్రాణాలు కోల్పోయారని ఆవేదన వ్యక్తం చేశారు. గత ప్రభుత్వం పదేండ్లలో రోడ్డు భద్రతా ప్రమాణాలు ఏ మాత్రం పాటించలేదని, ప్రమాద బాధితులకు సత్వర చికిత్స అవసరం లేదని కనీసం ట్రామాకర్ సెంటర్లను కూడా నిర్మించారు. కానీ తాముఅధికారంలోకి వచ్చాక.. రాష్ట్ర ఆర్థిక పరిస్థితులను సమీక్షించి అత్యంత ప్రమాదకరంగా ఉన్న హైవేలపై ట్రామాకర్ సెంటర్లను ఏర్పాటు చేసేందుకు చర్యలు తీసుకున్నామన్నారు.
ఇప్పటికే హైదరాబాద్-విజయవాడ జాతీయరహదారిపై ట్రామాకర్ సెంటర్ నిర్మాణంలో ఉన్నట్లు తెలిసింది. ఈ సందర్భంగా ప్రపంచబ్యాంక్ రవాణారంగ ప్రధాన అధికారిణి రీనూ అనుజా.. ప్రపంచబ్యాంకు సహకారంతో మన దేశంలో వివిధ రాష్ట్రాల్లో అమలవుతున్న రోడ్ల నిర్మాణాలు, వాటి తీరుతెన్నులపై పీపీటీ రూపంలో మంత్రికి వివరించారు.తమిళనాడు, రాజస్థాన్, కర్ణాటక, పశ్చిమబెంగాళ్ వంటి రాష్ట్రాల్లో ఐసీటీ (“ఇన్ఫర్మేషన్ అండ్ కమ్యూనికేషన్ టెక్నాలజీ”) సాంకేతికతను ఉపయోగించి రోడ్డు ప్రమాదాలు ఎలా ఉన్నాయి. నివారించారు, ఎంత శాతం మరణాల రేటు తగ్గిందన్న విషయాన్ని గుర్తించారు.
ఇంటిలిజెంట్ ట్రాఫిక్ మేనేజ్‌మెంట్ సిస్టమ్ ఆధారిత సాంకేతికతను అనుసరించడం ద్వారా ప్రమాదాలకు చెక్ పెట్టడానికి అవకాశం ఇవ్వబడింది. రాష్ట్ర అభివృద్ధి కోసం ప్రభుత్వం అనుసరిస్తున్న విజన్ కు అనుగుణంగా అర్భన్ ఏరియాలను.. రుర్బన్ కు విస్తరించడం, మెగా క్లాస్టర్స్ అభివృద్ధి, గ్రామీణ ప్రాంతాలను అనుసంధానించడం, విమెన్ స్కిల్లింగ్ హబ్స్ ఏర్పాటు వంటి నూతన విధానాలను రూపొందించడం ద్వారా రాష్ట్ర ప్రగతిని వేగవంతం చేయడం గురించి తన ప్రజెంటేషన్‌లో వివరించారు. మరోవైపు రాష్ట్రంలో ఇన్నోవేటివ్ ఫైనాన్స్ మోడల్ ద్వారా ఆర్ధిక సహకారంతో అనువైన ప్రాజెక్టుల గురించి రీనూ అనుజా మంత్రికి వివరించారు.కాగా రోడ్ల అభివృద్ధికి ప్రపంచబ్యాంకు సహకారంపై ప్రభుత్వంలో చర్చించి నిర్ణయం తీసుకుంటామని మంత్రి తెలిపారు. ప్రజల ప్రాణాల రక్షణే ముఖ్యమనీ ప్రత్యేక ప్రణాళికలతో వస్తే.. మరోసారి సాధ్యాసాధ్యాలపై సుదీర్ఘంగా చర్చించి ఒక నిర్ణయం తీసుకుందామని ప్రపంచబ్యాంకు ప్రతినిధులకు మంత్రి వివరించారు. ఈ సమావేశంలో ఆర్&బీ శాఖ ప్రత్యేక ప్రధాన కార్యదర్శి వికాస్ రాజ్, ప్రత్యేక కార్యదర్శి శ్రీమతి దాసరి హరిచందన, ఈఎన్సీ మధుసూధన్ రెడ్డితో పాటు శాఖకు సంబంధించిన సీఈలు.
